მეორე მსოფლიო ომის შემდგომ გერმანიაში ყველა დროის დახვეწილი დიზაინისა და საინტერესეო ისტორიის მქონდე მანქანა BMW 507 შეიქმნა. მიუხედავად იმისა, რომ BMW 507 კომპანიის უდიდესი ფინანსური შეცდომა იყო, მან მსოფლიოს BMW-ს შესაძლებლობები უჩვენა.bmw-507-4მანქანის ვიზუალი დიზაინერ ალბერტ ვონ გოერტს მიანდეს, რომელმაც ხელოვნების ნიმუში შექმნა.ყველასთვის საოცნებო როდსტერმა  BMW 507-მა, დინამიური სილუეტითა და ფართო, პრიალა ზედაპირით მანქანების საერთაშორისო გამოფენაზე ფურორი მოახდინა.

bmw-507-4-1

 

BMW 507-მა გამოჩენისთანავე დაიპყრო მანქანათა კოლექციონერების გულები. მისი ელეგანტურობა, მოძრაობის სტილი და ჰაერის გამწოვი ელემენტის უნიკალურობა დღემდე BMW-ს ახალი თაობის როდსტერების ინსპირაციაა.

BMW 507ის მხოლოდ 252 მოდელი შეიქმნა, რომლებიც ყველზე ძვირფას კლასიკურ ავტომობილებად ითვლებიან ჩვენი დროის როდსტერების ინდუსტრიაში.

დიზაინერ ალბერტ გოერტსის კალამმა შექმნა პორსშესა და ნისან სილვიას მოდელებიც, მაგრამ პირველი ქმნილება BMW 507 ყველასგან გამორჩეულია, რადგან დახვეწილი სტილის  მქონე მანქნამ დროს გაუძლო.

ალბერტ გოერტსმა BMW 507-ის პრიალა კორპუსს  ახალი სიცოცხლე მიანიჭა და 2008 წელს Steinway & Sons კომპანიის 125 წლის იუბილესთვის როიალის განსაკუთრებული დიზაინი შექმნა.

 

“გოერტსის უკანასკნელი ნამუშევარიც ხელოვნების ნიმუშად არის აღიარებული. BMW 507-ისა და ცნობილი კომპანიის დაკვეთით შესრულებული როიალის შტრიხებმა დიზაინერს საყოველთაო აღიარება მოუპოვა”.

მანქანის აგრესიული ვიზუალი, გლუვი ზედაპირითა და დახვეწილი დიზაინის კორპუსით ბევრისთვის მიმზიდველს ხდიდა მას.

BMW 507-ის ცნობილ მფლობელებს შორის ალბათ, ყველაზე განსაკუთრებული ელვის პრესლია.elvis-presleys-bmw-507-ganz-ohne-lack-1200x800-acba9f342bbf2ec9

ელვისის თეთრი BMW 507 თაყვანისმცემელი გოგონების სასიყვარულო შეტყობინებებით, ტელეფონის ნომრებითა და წითელი ტუჩსაცხით იყო აჭრელებული.

გასულ წელს, სამოცი წლის შემდგომ, ელვისის მანქანა როადსტერის მუზეუმში დაბრუნდა, რომელიც BMW-ს მანქანების საგამოფენო ცენტრია.

BMW 507 შეძენა $ 5 000  იყო შესაძლებელი, დღეს კი მის შესაძენად მილიონებს უნდა ფლობდეთ.  საშუალოდ როდსტერით თავის მოწონებისთვის $ 1, 393, 333 გადადება მოგიწევთ, ყველაზე დაბალ ფასად შესაძენად საბანკო ანგარიშზე $ 935, 000 უნდა გქონდეთ, ყველაზე დიდ თანხად შეფასებული BMW 507-სთვის კი არც მეტი არც ნაკელბი $ 1, 925, 000.

medium_20-bmw-507-jpg medium_bmw-507-1957-wallpaper

BMW 507-ს სამანქანო ინდუსტრიაში პიონერიც შეგვიძლია ვუწოდოთ, რადგან მანქანა მიმზიდველი ავტომობილების წარმოების დასაწყისის სიმბოლოა, რომელმაც დროსა და დიზაინის ცვალებადობას გაუძლო. BMW 507-ის წარმოება 1960 წელს შეწყდა.