მითი  #1

ზაფხულის საბურავების შეცვლა პირველივე თოვლის მოსვლისას არის რეკომენდირებული

სინამდვილეში, მწარმოებლები საბურავების შეცვლას გვირჩევენ მაშინ, როდესაც დღე-ღამის საშუალო ტემპერატურა +7 გრადუსამდე ჩამოვა. სიცივის დროს, ზაფხულის საბურავები ელასტიურობას კარგავს და ხისტი ხდება. ზამთრისთვის შექმნილი საბურავი კი მოქნილობას ინარჩუნებს.

 

მითი  #2

საბურავების ზედაპირი ამობურცული უნდა იყოს

ამობურცული ზედაპირის მქონე საბურავების გამოყენება თოვლიან ან ყინულიან რელიეფზეა რეკომენდირებული. თუ იმ ქალაქის ქუჩებს, სადაც თქვენ ცხოვრობთ, რეგულარულად წმინდავენ და რეაგენტებს აბნევენ, გზა სიმშრალესა და სისუფთავეს მთელი ზამთრის განმავლობაში ინარჩუნებს, შესაბამისად, განსაკუთრებული საბურავების შეძენა საჭიროებას არ წარმოადგენს.

ამობურცულ ზედაპირიანი საბურავები

]

მითი  #3

თუ გზა მოლიპულია, წნევა საბურავებზე უნდა შევამციროთ

პირიქით – საბურავებზე წნევის მომატება კონტაქტის ფართობს მნიშვნელოვნად ზრდის. ეს იმას ნიშნავს, რომ მოცურების რისკი მცირდება.

მითი  #4

რაც უფრო ფართოა ზამთრის საბურავი, მით ნაკლებია მოცურების რისკი

აქ იგივე ლოგიკა მოქმედებს, რაც წნევის შემცირების შემთხვევაში. ფართო საბურავის გამოყენება კონტაქტის ალბათობას ზრდის, მაგრამ საბურავების დაწოლა გზის ზედაპირზე მცირდება. თოვლიან ზედაპირზე ფართო საბურავები მოცურების რისკს არ ამცირებს.

 

მითი  #5

ABS სამუხრუჭე მანძილს ამცირებს

ბევრი ამბობს, რომ ABS სამუხრუჭე მანძილს ამცირებს. ყველაზე ეფექტური მუხრუჭი 15% მოცურების შემთხევაში უნდა მოვიაზროთ. სამწუხაროდ, დამუხრუჭების შესაძლებლობა ყველაზე გამოცდილ მრბოლელსა და მანქანის ყველაზე დახვეწილ სისტემას ყოველთვის არ აქვს. ABS სამუხრუჭე მანძილის შემცირება იდეალურ პირობებში შეუძლია, ეს იმას ნიშნავს, რომ თუ საბურავები უსწორმასწორო ზედაპირზე აღმოჩნდება სამუხრუჭე მანძილი იზრდება. ABS-ის მთავარი ფუნქცია მანქანას კონტროლის შენარჩუნების უნარი არის.

მითი  #6

ზამთრის საბურავები მხოლოდ ერთ ღერძზე უნდა დაყენდეს

დილეტანტისთვის ზამთრის საბურავების არსი ადგილიდან დაძვრითა და დამუხრუჭებით შემოიფარგლება. ბევრი ფიქრობს, რომ საბურავები წამყვანი ბორბლებისთვის უნდა შეიცვალოს. წინა საბურავებზე ხომ დატვირთვის 70% მოდის და შესაბამისად, მათი შეცვლაა რეკომენდირებული. მაგრამ, ზაფხულისა და ზამთრის საბურავების კომბინაცია სასიკვდილოდ სახიფათოა,  განსაკუთრებით კი –  მოლიპულ გზებზე.

მწარმოებლები სხვადასხვა ტიპის საბურავებს ქმნიან და თითოეული ზამთრისთვის სრულიად ადაპტირებულია. შესაძლოა, სხვადასხვა საბურავების გამოყენებისას დიდი განსხვავება ვერ იგრძნოთ, მაგრამ მათი უმთავრესი დანიშნულება – სამუხრუჭე მანძილის დარეგულირება და მართვის კონტროლი – შესრულებულია.

რბილი საბურავები