როდესაც საქმე კლასიკურ ავტომობილებს ეხება, “ფარდულის აღმოჩენები“ ნამდვილი წმინდა გრაალია. ყველას, ვისაც სავსე საფულე ან eBay-ის ანგარიში აქვს, შეუძლია იპოვოს თავისი ოცნების მანქანა, მაგრამ “ფარდულის აღმოჩენებს“ მაინც თავისებური მაგია აქვთ – იდეალური ავტომობილის ძიებამ შეიძლება მრავალი წელი გასტანოს (ხანდახან რამდენიმე ათეული წელიწადიც), რაც ხშირად პირველი მფლობელის გაუფრთხილებლობისა და უყურადღებობის ბრალია. ავტომობილთა სამყაროში ყველა ზომისა და ფორმის “ფარდულის აღმოჩენები“ ყოფილა, მაგრამ ერთი რამ უცვლელი რჩება: ძიების თითოეული ხანგრძლივი წუთი და ძალისხმევა რომელიც არ დაიშურეთ ყოველთვის ასმაგად ფასდება, საბოლოო შედეგი ამად ნამდვილად ღირს. ახლა კი, წარმოგიდგენთ 10 საუკეთესო აღმოჩენას:

Mercedes-Benz 190SL
barn5

ერთ მშვენიერ დღეს, Michael Potiker მამასთან ერთად მეზობლად სეირნობდა, ამ დროს ავტოფარეხში შეამჩნია ქრომის მბზინვარე ნაჭერი, რომელიც მანქანის საფარიდან  მოელვარებდა. Potiker შევიდა შიგნით შესამოწმებლად, ჯერ ფრთხილად შეეხო მას, შემდეგ კი კარგად დაათვალიერა და გაოგნებულს თვალწინ ძალიან ძვირფასი და იშვიათი Mercedes-Benz 190SL დაუდგა, იგი დაფარული იყო რამდენიმე ფენა მტვრითა და ჭუჭყით, ძაღლის ბეწვითა და ქვიშით, მღრღნელთა განავალითა და რამდენიმე დიდი ზომის აზბესტის ფილითაც კი.

 

1964  Shelby Cobra Daytona

cobradaytona03

Shelby Cobra Daytona-ს ამბავი ერთ-ერთი ყველაზე “უიღბლო“ ამბავია ავტომობილთა ისტორიებს შორის და ეს აბზაცი ამას ვერ შეცვლის. მათგან ექვს “დგუშის-გამანადგურებელ მონსტრს“ აწარმოებდა Carroll Shelby, Ferrari GTO-ს დამზადებისა და Le Mans-ზე სისწრაფის რეკორდების დამყარების შემდეგ, შტატებში მათზე ლეგენდები დადიოდა, ამ ყველაფრის შედეგად ისინი გასაოგნებელ ფასად გაიყიდა – თითო 5 000 დოლარად (Ford აღარ უხდიდა მათ, მას შემდეგ რაც ცნობილი ცეცხლისმფრქვეველი Ford GT40 გამოვიდა). ერთი Daytona-ს გარდა ყველა მოიძებნა და როცა “დაკარგულიც“ აღმოაჩინეს მტვრიან და ძველ სასაწყობე ფარდულში – რომელიც ეკუთვნოდა ერთ უთავბოლო ქალბატონს სახელად Donna O’Hara – მთელი საავტომობილო სამყარო ზეიმობდა. ეს ფაქტი აღიარებულია როგორც

“ყველაზე დიდი ’ფარდულის აღმოჩენა’  მთელი საავტომობილო კოლექციათა ისტორიაში.“ O’Hara-ს Daytona გამაოგნებელ ფასად იყო შეფასებული – 4 მილიონი დოლარი.

 

1955 Mercedes-Benz 300SL

54655341

ბავშვების მშობლებმა აღმოაჩინეს უიშვიათესი (1 ცალი 29დან) 1955 წლის Mercedes-Benz 300SL – “ალუმინის თოლია“ (Alloy Gullwing). მას ამუშავებდნენ 1971 წლამდე, სანამ გადართვის კოლოფი არ გაუფუჭდა. იმის მაგივრად რომ შეეკეთებინათ, გადაწყვიტეს დაეტოვებინათ ავტოფარეხში – 40 წლის მანძილზე (ეჰ!) – სანამ არ მიჰყიდეს ერთ ეთუზიასტს, რომელმაც იგი ავტოფარეხში ბრეზენტის ქვეშ “სიკვდილ-სიცოცხლის პირას“ აღმოაჩინა. ნორმალურ მდგომარეობამდე მიყვანის შემდეგ  ჩვეულებრივმა SL-მა ახალ მფლობელს მილიონზე მეტი მოუტანა, მაგრამ იშვიათი ჩამოსხმის შრომისუნარიანი Benzes-ი წესით 4 მილიონ დოლარზე მეტიც უნდა ღირდეს.

1950 Ferrari 166MM

timthumb

50 წელზე მეტი წლის წინ, ევროპაში მცხოვრები ამერიკელი – სავარაუდოდ სამხედრო –  შვეიცარიის შოურუმში წააწყდა Ferrari 166MM-ს. მან დაურეკა თავის მეგობარ Reg. Lee Litton-ს Scottsdale-ში, შტატ არიზონაში, და ჰკითხა ამ მანქანით თუ იყო დაინტერესებული. Litton-მა სთხოვა ჩამოეყვანა მანქანა კალიფორნიაში. მან ასეც გააკეთა. როცა ჩავიდა კალიფორნიის პორტში, Litton გაზის ბალონითა და ინსტრუმენტების ყუთით დახვდა. როდესაც დარწმუნდა რომ მანქანა მწყობრში იყო ისევ არიზონაში დაბრუნდა, სადაც ის და მისი მეგობრები მთელი დღეები ახლაშეძენილი ავტომობილით აქეთ იქით დაჰქროდნენ. მაგრამ ეს ყველაფერი ხდებოდა მხოლოდ იქამდე, სანამ  Ferrari არ გაფუჭდა და Litton-მაც სხვებივით არ გადააფარა მანქანას ხალიჩის რამდენიმე ნაჭერი. რამდენიმე წლის გასვლის შემდეგ მისმა შვილებმა ავტომობილის გაყიდვა  გადაწყვიტეს – იგი შეფასებული იქნა მილიონ დოლარზე მეტად. იმედია ხალიჩები სპარსული მაინც იყო.

 

1974 Ferrari Dino 246 GTS

buried-ferrari-1

უფრო მეტი ვიდრე უბრალოდ “ფარდულის აღმოჩენა“ – 1974 წლის Ferrari Dino 246 GTS აღმოაჩინა ორმა ბავშვმა, რომლებიც ტალახში თამაშობდნენ (ყოველშემთხვევაში პოლიციელები ასე იძახიან). რატომ იყო ლამაზი და ეგზოტიკური გარეგნობის იტალიური ავტომობილი ვიღაცის ეზოში ჩამარხული? სამწუხაროდ ვერსიები ბევრია, გააჩნია ვის შეეკთხები. “განძი“ აღმოჩენილი იყო 1978 წელს, იგი იყიდა LA-ს ბიზნესის მფობელმა სადაზღვეო კომპანიის დახმარებით და შემდეგ კი ერთ-ერთ იმ პოლიციელთაგანს მიჰყიდა, რომელიც მონაწილეობდა მანქანის აღმოჩენაში. მისი ღირებულებაა დაახლოებით ნახევარი მილიონი დოლარი – ეს, რა თქმა უნდა, არც ისეთი ცუდი ინვესტიციაა. მითუმეტეს იმ კაცისთვის რომელსაც პოლიციელის ხელფასი აქვს!

 

Citroen 2CV

1939_citroen_2cv_prototypes

Citroen 2CV იყო ერთ-ერთი ყველაზე პოპულარული და ლეგენდარული ავტომობილი Citroen-ის სერიაში. იგი წარმოებაში 50 წლის განმავლობაში იყო. მისი პროტოტიპები მზადდებოდა მანამ, სანამ კომპანია არ შეჩერდა ერთ ორიგინალურ სტილზე. ნელნელა უმეტესი მათგანი განადგურდა (1950წ.), მაგრამ 1995 წელს ერთ-ერთ ფრანგულ ფარდულში აღმოჩენილი იქნა სამი ავტომობილი ამ სეიიდან, ისინი ათეული წლების წინ იქნა შენახული დაუმორჩილებელი მუშების მიერ, რომელთაც უნდოდათ შეენახათ ისინი მათი ისტორიული მნიშვნელობის გამო.

 

1970  Chevelle SS Vert

1970chevellessvert

ყოველი ამერიკელი კოლექციონერის ნამდვილი ოცნებაა უიშვიათესი 70 Chevelle SS Vert. იგი გასაყიდად იყო გატანილი Craigslist-ზე, სწორედ იქ მოხდა მისი “აღმოჩენა“. მფლობელმა იპოვა იგი, შემდეგ კი 1978 წელს დააყენა ფარდულში, სადაც იმყოფებოდა – საერთოდ ხელშეუხებელი და ორიგინალური – მანამ, სანამ გასაყიდად არ გაიტანეს Craigslist-ზე. მაგრამ ამით ისტორია როდი მთავრდება. ახალმა მყიდველმა ავტომობილის Craigslist-დან ყიდვის შემდეგ გადაწყვიტა მისი გადაკეთება, მან კარბურატორი განაახლა და შემდეგ წაიყვანა იგი ტოპ track-original AM radio-ში სადაც აკრიფა 14.66   93მილ/საათში. არც ისეთი ძველი ყოფილა!

 

1957 Corvette AIRBOX Racer

1957corvetteairboxracer

თუ ოდესმე მოგისმენიათ “ფარდულის აღმოჩენების“ ისტორიები, რომლებიც გარწმუნებთ რომ მსოფლიოს თითქმის ყველა მორიგ ავტოფარეხში “განძია“ დამალული, მაშინ ეს ისტორია უნდა მოისმინოთ, იგი შეეხება უიშვიათეს 1957 წლის Corvette AIRBOX racer-ს. 1970 წელს იგი ინახებოდა ერთი სოფლის ფარდულში, ოჰაიოში, და იქ დარჩებოდა კიდევ დიდხანს რომ არ გამოჩენილიყო საჭირო ადამიანი, რომელიც მივიდოდა და “დაისაკუთრებდა“ მას. უიშვიათეს Corvette-ს შესახებ დადიოდა ჭორები და ერთხელაც ამ ჭორებმა მიაღწიეს ცნობილ Vette რესტავრატორ-მხატვარ Joel Lauman-ამდე. Lauman საქმეებზე იყო ჩამოსული. დიდი ხნის ძებნის შემდეგ Lauman-მა მოიძია ავრომობილის იმდროინდელი მფლობელი და დაარწმუნა იგი განშორებოდა მანქანას (რა თქმა უნდა, არა უფასოდ), მაგრამ მხოლოდ ერთი პირობით: ის უნდა აღდგენილიყო და ყველასთვის ეჩვენებინა თუ რა შეუძლია.

 

60 უიშვიათესი ავტომობილი

60extremelyrarecars

ერთი იშვიათი მანქანა ფარდულში უკვე საკმარის მღელვარებას იწვევს ნებისმიერ ენთუზიასტში, მაგრამ რა მოხდება მაშინ როცა ვინმე 60 ულამაზეს და უიშვიათეს ავტომობილს იპოვის ერთ ადგილას? რამდენიმე წლის წინ ასეთი რამ მართლაც მოხდა, Artcurial-ის უძრავი ქონების მენეჯერი, რომელიც ხელმძღვანელობდა ფრანგული ხელოვნებისა და ანტიკვარიული აუქიონის სახლს, დაუკავშირდა იქაურ მაცხოვრებლებს. ამ “საგანძურის“ მემკვიდრეები არაფრის აზრზე არ იყვნენ, ხოლო როდესაც Artcurial-ის ორი წარმომადგენელი გამოჩნდა მანქანების შესამოწმებლად, მათ აღმოაჩინეს ე.წ. “ავტომობილების აღმოჩენების ‘ტუტანხამონისეული სამარხი’’’ – Ferrari, Maserati, Bugatti, Delage, Million & Guiet, Talbot-Lago – ყოველი მათგანი იშვიათი და ნამდვილი “ძლიერი თავდამსხმელი“ იყო. მხოლოდ ორი მანქანა – Ferrari 250 GT California Spider და უიშვიათესი Maserati A6G 2000 Berlinetta Grand Sport Frua – დაახლოებით 17 მილიონ დოლარად იყო შეფასებული.

 

ტეხასელი ჯეკის საოცარი “ნიმუშები“

texasjack

არ არის აუცილებელი იყოს ფარდული, მაგრამ ეს ისტორია უბრალოდ საოცარია. 1972 წელს ჯეკი ვინსკონსინიდან ტეხასში გადავიდა. მასთან ერთად მის ახალ ფარდულში რამდენიმე მართლაც იშვიათი ავტომობილი გადაიტანეს. ესენი იყო – 1932 წლის Cadillac 370B V12 Victoria Vert (ერთ-ერთი ოთხიდან, მაგრამ ერთადერთი V12 ძრავით!), 1938 წლის Cadillac Series 90 V16 Fleetwood Limo (ოდესღაც ეკუთვნოდა Wrigley-ს ოჯახს – დიახ, საღეჭი რეზინის ხალხს), 1908 წლის REO Model G Boattail Roadster/Sedan, 1923 წლის Milburn Electric Model 27L, და mint 1937 Kozy Coach Travel Trailer, რომელიც 100 000 დოლარზე მეტი ღირდა. ჯეკს გადასვლის მერე მალევე “დაავიწყდა“ ეს საოცარი “ნიმუშები“ და ისინი ინახებოდა იქ რამდენიმე ათეული წლის განმავლობაში. ეს საოცარი ავტომობილები დიდხანს უცდიდნენ იმას, რომ ამ ყველასგან მივიწყებულ ფარდულში ბოლოს ვინმე მაინც იპოვიდა მათ. ისინი იცდიდნენ მანამ, სანამ Antonio Brunet-მა – ოსტინის (შტატი Техас) Motostalgia-ს აუქციოიდან – არ მიაგნო ჯეკის “საგანძურს“ და არ სთხოვა მათი გატანება. ყველამ აღნიშნა რომ ავტომობილების ღირებულება მილიონ ნახევარზე მეტი იყო.

line