Tesla-მ ოფიციალურად ახალი Model X SUV წარმოადგინა, ფუტურისტული ელექტრო მანქანა, რომელსაც Elon Musk-მა ყველაზე უსაფრთხო სპორტული როადერი უწოდა.

აღსანიშნავია, რომ Model X იშვიათი Falcon Wing კარებითაა წარმოდგენილი, რომელიც თანამედროვე DeLorean-ს მოგაგონებთ. მანქანის კარები სენსორულია და სიმჭიდროვის ან დაბალი სიმაღლის ავტოფარეხებში უსაფრთხოდ გაღებას უზრუნველყოფს.

მანქანაში 7 ადამიანი თავსდება (სამი შუა რიგში, ორი კი წინა და უკანა სავარძლებზე) მაგრამ Model X 6 ადგილიან მანქანად მოიაზრება.ჩრდილოეთ კალიფორნიის ქარხანაში გამართულ პრეზენტაციაზე Musk-მა Model X-ის ყველა უპირატესობის დემონსტრირება მოახდინა: განსაკუთრებით შთამბეჭდავი იყო მოცულობა, მანქანამ რამდენიმე მოზარდსა და ზრდასრულ ადამიანთან ერთად ჩემოდნები, საჭმლის კონტეინერები, თხილამურები და ველოსიპედი დაიტია. ზოგიერთი ნივთი Model X-ის გარეთაც მოათავსეს.

2016-tesla-model-x-official-photos-front-three-quarter-falcon-door-open

section-allwheel

Model X აღჭურვილია 90 kWh ბატარეით, რომელიც 250 მილის გავლის საშუალებას იძლევა. მანქანა 0-დან 60 mph 3.2 წამში ავითარებს.

მანქანაში ინტეგრირებულია პარკინგის სენსორები, ბრმა ადგილისა და გვერდითი შეჯახების გამაფრთხილებელი სიგნალები, ავტომატური უგასაღებო კავშირი, GPS და ნავიგაცია რეალურ დროში, რუკებთან ერთად.

ბიოიარაღის თავდაცვის რეჟიმი (დიახ, ნამდვილი ღილაკით, Musk-მა დაადასტურა) ჰაერიდან შემომავალ ბაქტერიებს, ვირუსებსა და მსგავს დაბინძურებულ მიკროელემენტებს მანქანაში მოხვედრისგან იცავს.

hh

ამ კომფორტით იაფად ნამდვილად ვერ ისიამოვნებთ. საბაზრო ფასი $132,000-ია, ხოლო დაჯავშნის შემთხვევაში $5,000 დეპოზიტს მოგთხოვენ. Tesla სტანდარტულ და პერფორმანს მოდელებს გთავაზობთ: სტანდარტული 256 მილი 0-60 mph 4.8 წამი, პერფორმანსი 250 მილი 0-60 mph 3.6 ან 3.2 წამი.

Musk-მა და- tweet-ა, რომ შედარებით იაფი მოდელი მალე გამოვა.

Model X-ის პირველ მფობელებს უკვე აქვთ შესაძლებლობა მანქანით ისიამოვნონ. ყველა, ვინც Tesla-ს ახალი მოდელის შეძენას მოისურვებს, 2016 წლის მეორე ნახევრამდე მიირებს მას. მანქანა თეთრ, შავ, წითელ, ლურჯ და ვერცხლისფერ ფერებში არის წარმოდგენილი.

Tesla-მ Model X-ის პროტოტიპი 2012 წელს შემოგვთავაზა და ერთი დღის განმავლობაში $40 მილიონის რეზერვაცია შეძლო. მანქანის რელიზი 2015 წლის პირველ ნახევარში იგეგმებოდა, მაგრამ დაიგვიანა, როგორც განამრტეს მიზეზი იყო „ შეგვექმნა საუკეთესო Model X.“