ჯონი ქეში მანქანების მოყვარული და კოლექციონერი იყო, მაგრამ ავარიებსა და სიჩქარის ლიმიტის გადაჭარბებას არასდროს ერიდებოდა. საქარე მინიდან ხშირად უწევდა სიგარის ფერფლის მოშორება, მაშინ როდესაც ქარის საწინააღმდეგო მიმართულებით მიაქროლებდა როადერს.

ჯონი ქეში ისტორიას შემორჩა, როგორც ერთადერთი სელებრითი, რომელმაც საკუთარი მანქანის აალება მოახერხა –

“მომღერალი იმდენად სწრაფად მართავდა ფურგუნს, რომ მანქანის ბორბლებს ცეცხლი მოეკიდათ.”

მანქანის აალებამ ხეების უნიკალური ჯიშები შეიწირა და მოსახლეობას საფრთხე შეუქმნა. სასამართლოზე ქეშმა იხუმრა: „დამნაშავე მე არ ვარ, ჩემი ფურგუნია, სამწუხაროდ ის დაიღუპა და როგორ უნდა ვაგო პასუხი მის დანაშაულზე?“.

cash-kaye-022212-double

 

მიუხედავად იმისა, რომ ფურგუნი ახათ-ახალი მოდელი იყო და ცეცხლა შეიწირა, მუსიკოსი ალკოჰოლსა და ნარკოტიკებზე კვლავინდებურად არ ამბობდა უარს. მისი პოპულარობა დღითი დღე იზრდებოდა და პუბლიკამ მას “man in black” შეარქვა. ინციდენტიდან 4 წლის შემდეგ ქეში ABC-ის მუსიკალური შოუს წამყვანი გახდა.

ჯონის ალბომების რელიზი ABC-ის მთავარი კონკურენტის, CBS-ის ხელში იყო.

ჯონიმა მსმენელს ქანთრი და მისისიპის ბლუზი სულ სხვა კუთხით დაანახა. თავის შოუში ხშირად იწვევდა ახალგაზრდა მუსიკოსებს, რომლებიც მაყურებელს პოლიტიკური ტექსტების სიმღერებს სთავაზობდნენ. მოსალოდნელი სკანდალის ფონზე გადაცემის რეიტინგი იზრდებოდა.

ქეში თავის ახალ სიმღერებს ასრულებდა, ეხუმრებოდა ახალგაზრდებს და პატივს სცემდა უფროს თაობას.

შოუ 1971 წლამდე გაგრძელდა, ერთი წლით ადრე კი

“ქეშის დამსახურების დასაფასებლად ABC-მა მას Rolls-Royce Silver Shadow უსახსოვრა. მანქანას კარებთან ჯონი ქეშის ინიციალები ამშვენებდა.”

176970_front_3-4_web-626x418

ასე აღმოჩნდა ამერიკელი მუსიკოსის ავტოფარეხში ბრიტანული მანქანა, მუსიკოსის, რომელიც დეტროიტის როადერის თაყვანისმცემელი იყო.

2014 წლის 25-27 სექტემბერს Barrett-Jackson-ის აუქციონზე სწორედ ჯონი ქეშის Rolls-Royce Silver Shadow წარმოადგინეს.

Silver Shadow  ერთი შეხედვით უბრალო, უინტერესო ისტორიის მქონდე ავტომობილია, რომელითაც ქეშმა 32 000 მილი განვლო და გაყიდა.

1985 წელს ჯონმა სარეაბილიტაციო კლინიკა დატოვა, Columbia Records კი ახალი ალბომის, Out Among The Stars რელიზის შესაფერის დროს ელოდებოდა. სწორედ ამ დროს იწყება ქეშისა და მანქანის ურთიერთობა. ჯონი Silver Shadow-ის ღირებულებასა და განსაკუთრებულობას ყურადღებას არასდროს აქცევდა.

johnny-cash-rolls-royce-rr34-1024x683

 

johnny-cash-rolls-royce-grille-1024x682

გარდა იმისა, რომ Silver Shadow  Rolls-Royce-ის საკოლექციო, უნიკალური მოდელია და მასზე ამოტვიფრულია ინიციალები JRC, მანქანა განსაკუთრებულია იმითაც, რომ წარმოადგენს გათანამედროვებული ავტომობილების მცირე ნაწილს, რომელთა არქიტექტურაში საპირისპირო სავარძლებს შორის მანძილი საგრძნობალდ გაზრდილია.

ABC-ისთვის დამზადებული ავტომობილში თავისუფლად თავსდებოდა მუსიკოსის გიტარა და საკმაოდ ჩუმიც იყო. სწორედ ამ სიმშვიდეს საჭიროებდა ქეში ტურნეებში მოგზაურობის დროს.

“Silver Shadow-ზე საუბრისას დევიდ ოგილვიმ თქვა: „საათში 60 მილის გავლისას, ხმა რომელსაც მანქანაში გაიგებთ ელექტრული საათის იქნება.”

ინიციალების ისტორიაც საინტერესოა, მანქანის დამზადებისას გიტარის ლოგოს დატანებას აპირებდნენ, მაგარმ გადაიფიქრეს და არჩევანი JRC-ით ჩანაცვლეს.

176970_side_profile_web-626x417

რაც შეეხება ტექნიკურ დეტალებს,

“Silver Shadow პირველია Roll’s Royceის მოდელებიდან, რომელიც დისკურ მუხრუჭებს, უკანა დამოუკიდებელ საკიდს, 412 კუბის რვა ცილინდრიან ძრავასა და 190 HP იყენებს.”

მანქანის ინტერიერი ნატურალური მატერიალებით – ტყავით, ხითა და თექით არის წარმოდგენილი.

მანქანის შეძენისას თქვენ ჯონი ქეშის საგადასახადო დეკლარაციებისა და ჯარიმების მფლობელიც გახდებით, დოკუმენტებზე მომღერლმა სახელი და მისამართი საკუთარი ხელით მიუთითა.

აუქციონზე ჯონი ქეშის Silver Shadow-თან ერთდ ელვისის Cadillac Coupe Mary და Chevrolet Corvette Split Window Coupe იყო წარმოდგენილი.