საოცარი კონცეფტ დიზაინის გარდა, ვოლვომ 2017 წლის მოდელებისთვის ინოვაციური ტექნოლოგიური სიახლეებიც შეიმუშავა.

უმთავრესი ინოვაცია ახალი მოდელებისთვის ფიზიკური გასაღების, მობილურის აპლაკიით ჩანაცვლებაა. მხოლოდ ერთი პროგრამით თქვენ შეგეძლებათ დაქოქოთ, გახსნათ ან დახუროთ ავტომობილი, შეგეძლებათ პირდაპირ რეჟიმში აკონტროლოთ თქვენი ავტომობილის ბორტკომპიუტერი, კლიმატ კონტროლი და პრაქტიკულად ყველა ელექტრონული ფუნქცია.

175637_volvo_cars_digital_key ვოლვოს უფროსობის აზრით ამ კარდინალურ ცვლილებას მრავალი დადებითი ფაქტორი ახლავს, პირველ რიგში ჩვენ აღარ მოგვიწევს დამატებით გასაღების ტარება, მისი მუდმივი ძებნა და თვალ-ყურის დევნება.

ახალი აპლიკაციით თქვენ მუდამ გეცოდინებათ თქვენი ავტომობილის ადგილმდებარეობა, GPS კონტროლი მოგცემთ საშუალებას ნებისმიერ დროს მარტივად იპოვოთ თქვენი VOLVO, მანქანის გატაცების შემთხვევაში მისი დაბრუნება რამდენიმე წუთში შეგეძლებათ, თუმცა გასაღების არ ქონის გამო პრაქტიკულად გამორიცხულია მათი მოპარვა და მანქანის გატაცება.

ერთადერთი დეტალი რომელიც VOLVO-ს ლაბორატორიებში ვერ გაითვალისწინეს იყო ის, რომ გასაღების მოპარვაზე ბევრად ხშირად სწორედ მობილურების მოპარვის ფაქტები ფიქსირდება, ასეთ შემთხვევაში ჯიბის ქურდების ხელში თქვენს ძვირადღირებულ ავტომობილზე კონტროლიც აღმოჩნდება.

სავარაუდოდ სწორედ ასეთი შემთხვევების თავიდან ასაცილებლად დამატებითი თანხის გადახდით თქვენ შეგეძლებათ ძველი და ჩვენთვის ყველასთვის კარგად ნაცნობი გასაღებიანი ვერსიის შეძენაც. ჩვენ ისღა დაგვრჩენია დაველოდოთ 2017 წელს და გავიგოთ შეძლებს თუ არა ეს ახალი ტექნოლოგია ფართო აღიარების მოპოვებას ავტომოყვარულებში.

line