მოტოციკლების წარმოების განმავლობაში ასობით მოდელი და სახესხვაობა შეიქმნა. The Man’s Journal-მა 8 უნიკალური მოტოციკლი შეარჩია, რომლის შეძენა დღესვე შეგიძლიათ.

HARLEY-DAVIDSON FLSTF FAT BOY

ძრავა: Twin Cam 103, მოცულობა 1.7 ლიტრი

მასა: 318 კგ

ფასი: $6,100-დან

„…სწორედ მაშინ მივხვდი, რომ Fat Boy ძალიან სწრაფია და შემაშინა. Terminator-ის გადაღებაზე კი მოტოციკლი დავიმორჩილე. ვიფიქრე – თუ მარცხნივ წავალ რესპუბლიკელები გაგიჟდებიან, მარჯვნივ – ჩემი ცოლი, სწორედ ამიტომ პირდაპირ წავედი და მანქანას დავეჯახე.“- Arnold Schwarzenegger, თავისი  Harley-Davidson FLSTF Fat Boy-ის შესახებ.

კალიფორნიის გუბერნატორის ავარია საბედისწერო არ ყოფილა, არნიმ ტუჩი დაიზიანა, მოტოციკლმა კი – ზედაპირი. სავარძლის უკანა მხარეს, შვარცნეიგერის 12 წლის შვილი იჯდა. Fat Boy ერთ-ერთი ყველაზე ქარიზმატული მოდელია, რაც კი Harley-Davidson-ს შეუქმნია. მიუხედავად იმისა, რომ ბაიკის მასა 318 კილოგრამია, ქალაქის ქუჩებში მოტოციკლი ადვილად დასამორჩილებელი ხდება. Harley-ის მოდელების ვიზუალი ყველას ყურადღებას იქცევს, სწორედ ამიტომ, ბაიკის მფლობელები გოგონებს დიდი ძალისხმევის გარეშე იზიდავენ.

HONDA GL1800 F6C VALKYRIE

ძრავა: 4 ტაქტიანი, 6 ცილინდრიანი, მოცულობა 1,8 ლიტრი

მასა: 341 კგ

ფასი: £4,288-დან

„”Valkyrie” Steven Spielberg-ის საჩუქარი იყო, რომელიც War of the Worlds-ის გადაღებისას მისახსოვრა. საჩუქარი არა, ბაიკის სანაცვლოდ Ford Mustang Shelby GT 1966 მივეცი, ჩავთვალოთ, ფავორიტები გავცვალეთ. მოტოციკლით სეირნობისა თმას ქარი უნდა გიწეწავდეს, სამწუხაროდ, არც გრძელი თმა მაქვს და სიჩქარისაც მეშინია. ჩაფხუტის, ქურთუკისა და სქელი ფეხსაცმელების გარეშე საჭესთან არასდროს ვჯდები.“ – Tom Cruise, თავისი Honda Valkyrie Rune-ის შესახებ.

იმედი გვაქვს, Tom Cruise-ზე უფრო იღბლიანი ხართ და გრძელ ვარცხნილობასაც ატარებთ. Honda ყველაზე მიმზიდველ ბაიკადაა აღიარებული. თუ სისწრაფე გიყვართ, მოტოციკლი თქვენთვისაა შექმნილი. 6 ცილინდრიანი ძრავა და სისტემური თავისებურებები ნებისმიერი წინააღმდეგობის გადალახვის საშუალებას იძლევა. ბაიკის მართვა რთული არ არის, ტომ კრუზიც კი, რომელიც სულ რაღაც 170 სმ-ია, Honda-ს ადვილად უმკლავდება.

BROUGH SS100

ძრავა: V-twin DOHC, მოცულობა 1 ლიტრი

სიმძლავრე: 125 HP

ფასი: $65,000

„Brough-ს 1980-იანი წლებიდან ვაკვირდები. დავურეკე კიდეც ბიჭს, რომელსაც Brough SS100 ჰქონდა და 10 000 ფუნტი სტერლინგი დააფასა. თავიდან ვიფიქრე, რომ გაგიჟდა. შემდეგ დავაფიქსირე – ბაიკის ფასი ყოველწლიურად იზრდებოდა. კიდევ დავურეკე და ვუთხარი, რომ მზად ვიყავი 10 000-ად შემეძინა. ბაიკის ფასი 30 000-მდე იყო გაზრდილი. 10 წლის შემდეგ Brough ვიყიდე და ისეთი თანხა გადავიხადე, რომ თავადაც არ მჯერა.“ – Jay Leno – თავისი Brough SS100-ის შესახებ.

Brough-ის ლოგანი – „Rolls-Royce მოტოციკლებს შორის“. ბაიკს საოცარი ფასი და დიზაინი აქვს.  Brough ფლობა მოიაზრებს იმას, რომ შეძლებული და გემოვნებიანი ხართ. ამ მოტოციკლს ხომ თავად Bernard Shaw მართავდა.

ROYAL ENFIELD CONTINENTAL GT

ძრავა: 4 ტაქტიანი, მოცულობა 0.53 ლიტრი

მასა: 184 კგ

ფასი: $ 7932-დან

„ჩემი მოტოციკლი იმიტომ მიყვარს, რომ საშუალებას მაძლევს ყველას და ყველაფერს გავექცე. ვიხურავ ჩაფხუტს და რიგითი ადამიანი ვხდები, რომელიც ჩვეულებრივად დადის ქუჩებში.“ – Brad Pitt – თავისი Royal Enfield-ის შესახებ.

Royal Enfield ტიპიური მოტოციკლი არ არის, მისი მეშვეობით ქალაქის ვიწრო ქუჩები უნდა დაიპყროთ და იმ დროს გაგახსენებთ, როდესაც გოგონები ბაიკის ხმის გაგონებისთანავე გიჟდებოდნენ. Royal Enfield-ის მისაღები ფასი სრულიად შესაძლებელს ხდის მისი ტარებით ისიამოვნოთ.

 

DARYL’S BIKE

ძრავა: 4 ტაქტიანი, 4 ცილინდრიანი, მცულობა – 0.75 ლიტრი

მასა: 215 კგ

ფასი: $ 13166-დან

„როდესაც მოტოციკლი სახელოსნოდან გამოვიყვანე, რამდენიმე კილომეტრის გავლა გადავწყვიტე. აღმოჩნდა, რომ რამდენიმე საათის განმავლობაში ვმგზავრობდი და ბოლოს ვერც კი მივხვდი სად ვიყავი. დარწმუნებული ვარ, რომ ჩემს ბაიკს არც ერთ სხვა მოდელზე არ გავცვლი.“ – Norman Reedus – თავისი Daryl’s Bike-ის შესახებ.

Daryl’s Bike Classified Moto-ს ოსტატებმა The Walking Dead-ის გმირ – Daryl Dixon-სთვის ხელით შექმნეს და მსახიობმა Norman Reedus-მა შესაძლებლობა გამოიყენა – Daryl’s Bike-ს საკუთარ ავტოფარეხში ადგილი მიუჩინა. მოტოციკლის დიზაინი ნამდვილი კლასიკაა, Honda CB750SC Nighthaw-ინსპირაციით შექმნილი ბაიკი სერიალის ერთ-ერთი მთავარი რეკვიზიტია. Classified Moto-ს წარმომადგენლები აცხადებენ, რომ მსგავსი მოდელების წარმოებასაც აპირებენ.

 

DUCATI PAUL SMART

ძრავა: 4 ტაქტიანი, 2 ცილინდრიანი, მოცულობა – 1 ლიტრი

მასა: 181 კგ

ფასი:  მოთხოვნით

„მოტოციკლის ტარებისას სრული კონცენტრაცია მის მართვაზე უნდა გქონდეთ მიმართული. მომწონს, რომ ახალი ამბების, უაზრო ფრაზების, უგემოვნო მუსიკის მოსმენა არ მიხდება. Paul Smart-ის საჭესთან ჯდომისას, ალბათ, იმბეცილი უნდა იყო, რომ 120 კმ/სთ-ით მოძრაობის გარდა რამე სხვა მოგინდეს.“ – Ryan Reynolds – თავისი Ducati Paul Smart-ის შესახებ.

სპორტბაიკის – Ducati 750 Imola Desmo-ის თანამედროვე ვერსიაა, რომელმაც 1970-იან წლებში პოლ სმარტს უამრავი გამარჯვება მოუტანა. Ducati Paul Smart  საკმაოდ ურჩი მოტოციკლია და მასთან მიახლოვებას, მხოლოდ გამოცდილ მძღოლებს ვურჩევთ. აქვე აღვნიშნავთ, რომ Ducati Paul-ის ტარება ყველა მფლობელისთვის დიდი სიამოვნებაა.

 

CONFEDERATE HELLCAT  

ძრავა: X 132 Copperhead V-Twin S&S, მოცულობა 2,2 ლიტრი

მასა: 215,5 კგ

ფასი: $ 57188

„Amber Heard-ს დღემდე არ სჯერა, რომ ჩემი ბაიკით 280 კმ/სთ-ით ვმოძრაობდი. მაგრამ ეს სრული სიმართლეა. Gone in 60 Seconds-ის გადაღების დროს მოტოციკლს ხშირად ვატარებდი. ერთხელ, ღამის 3 საათზე ბაიკის სიჩქარემ 280 კმ/სთ-ს მიაღწია, შეიძლება ფიქრობთ, რომ გიჟი ვარ, მაგრამ მე ნამდვილად შევძელი.“- Nicolas Cage – თავისი Confederate Hellcat-ის შესახებ.

ამ მოტოციკლით სიამოვნება უსასრულოდ შეიძლება და ამაში John Travolta, Bruce Springsteen, Eddie Van Halen, Tim McGraw, David Beckham გვეთანხმებიან. შესაძლოა, ისინი 132 ცხენისძალის ძრავის შესაძლებლობებს მთლიანად არ იყენებენ, მაგრამ ერთდროულად ურჩი და სტაბილური Hellcat-ის მართვა დიდ სიამოვნებას მოგანიჭებთ.

INDIAN CHIEF VINTAGE

ძრავა: Thunder Stroke 111, მოცულობა 1.8 ლიტრი

მასა: 364 კგ

ფასი: $ 17280

„ მე 1949  წლის Indian  მაქვს და ყოველთვის თავად ვაკეთებ ხოლმე. ორი საათის განმავლობაში ზეთსა და ტალახში ვისვრი ხელებს, მაგრამ ვიცი, რომ ძრავის ხმა და გრძელი გზის დალაშქვრა გამახალისებს. შესაძლოა, ზედმეტად რომანტიკულიც გეჩვენებით, მაგრამ ასეთი ბაიკი მართლაც ბედნიერებაა.

ამერიკული მოტოსტილის წარმომადგენელი Indian 2011 წელს ახალი მოდელით  შეხვდა. შესაძლოა, მისი კონკურენტი Harley-Davidson-ის შესახებ უფრო ბევრი გსმენიათ, მაგრამ მოტოსამყაროში Indian მონუმენტურობისა და ფუფუნების კომბინაციით არის ცნობილი. რთული წარმოსადგენია უფრო მოსახერხებელი სავარძელი, Indian Chief-ის დამახასიათებელი მეტალის ღერძიც კი მოგვწონს. 370 კილოგრამიანი გიგანტის მართვა არც თუ ისე რთულია და სიამოვნებად ღირს.