ავტოსამყაროში არსებობს მანქანის, კლასიკად აღიარების რამდენიმე ეტაპი და მოთხოვნა.


classic-and-collector-car-show-and-event

ასეთებია:

მანქანის გარეგნობა – (ის უნდა იყოს გამორჩეული ნებისმიერ დროსა თუ ეპოში)

მანქანის იმიჯი – (წლოვანების მიუხედავად მანქანას უნდა უყურებდნენ როგორც გემოვნებით შერჩეულს, დიადს და არა ძველებურს)

მანქანის ისტორია – (კონკრეტულ მოდელს ან კომპანიას უნდა ჰქონდეს გამორჩეული სპორტული, საინჟინრო ან ტელეისტორია)

მანქანის ექსკლუზიურობა – (ამ მანქანის ტირაჟი საკმაოდ დაბალი უნდა იყოს, მსოფლიოს მასშტაბით ამ მოდელების რაოდენობა 1-2 ათასს არ უნდა სცდებოდეს)

შეგრძნება – (ის არ უნდა იყოს ყველაზე სწრაფი, ის არ უნდა იყოს ყველაზე კომფორტული, მაგრამ ის უნდა იყოს ყველაზე ცოცხალი, მისი ტარება უნდა გაბედნიერებდეს და რაც მთავარია სახეზე ღიმილს იწვევდეს)

ajchlzytcozemd6l3jjd


 

Alfa Romeo Montreal, ყველა ამ მოთხოვნას პირნათლად აკმაყოფილებს, თუმცა მის კლასიკურობაზე საკმაოდ დიდხანს მსჯელობდნენ. აქ გასაკვირი არაფერია, ალფა ყოველთვის იყო ასეთი, ის ან სიგიჟემდე გიყვარს, ან ასევე ძლიერად არ გიყვარს.

სასაცილოა მაგრამ  Alfa Romeo Montreal არასდროს გაყიდულა მონრეალში, მან ეს სახელი იმ გამოფენის საპატივცემულოდ მიიღო სადაც ეს მოდელი პირველად წარადგინეს, პრეზენტაციისას მას Alfa Romeo GT 2-ს უწოდებდნენ, რაც ამ მოდელს ნამდვილად მეტ პოპულარობას მოუტანდა ვიდრე კანადური, ცივი ქალაქის დასახელება…

იმის მიუხედავად, რომ Montreal 1970 – 1977 წლებში გამოდიოდა, რაც საკმარისია ასობით ათასი მოდელის გამოსაშვებად, მთელი ამ დროის მანძილზე მხოლოდ 3917 მანქანის აწყობა მოხერხდა. ეს ციფრი Alfa Romeo-ს კიდევ ერთი უცნაური თავისებურებით არის გამოწვეული, ისევე როგორც GT კლასის სხვა მანქანებს  Alfa Romeo , ამ მოდელსაც სრულიად ხელით აწყობდა.

მსგავსმა მიდგომამ ალფასთვის ჩვეული უცნაურობები გამოიწვია, მაგალითად პრაქტიკულად ყველა ამ ავტომობილს მარცხენა და მარჯვენა კარები განსხვავებულ სიმაღლეზე აქვთ განთავსებული, იგივე ეხება შუშებს, ფარებს და ბევრ სხვა დეტალს…

933ca0796c

თუმცა ეს ყველაფერი მნიშვნელობას კარგავს, მაშინ როდესაც ვხედავთ მის დიზაინს…  Alfa Romeo
Montreal
უდაოდ ერთ-ერთი ულამაზესი ალფაა. ის თავისი სტილით იმ დროინდელ Lamborgini-ს მოგვაგონებს და ამავე დროს ის ყველასგან გამორჩეულია,

თუნდაც თავისი ორიგინალური ფარის დამცავებით, რომლებიც ფუნქციურის გარდა დიზაინერულ დატვირთვასაც ატარებენ.

 


 

OLYMPUS DIGITAL CAMERA

Montreal-ს აქვს მკაცრად მამაკაცური და ელეგანტური ინტერიერი, ხის საჭე და მხოლოდ გადარჩენისთვის აუცილებელი რამოდენიმე ღილაკით აღჭურვილი წინა პანელი.

 

ეს ყველაფერი და 2.6 ლიტრის მოცულობის V8 ძრავი ქმნის ავტომანქანის პირველყოფილს სილამაზეს და განუმეორებელ შეგრძნებებს,

სწორედ ამიტომ კტოტსდეილში კლასიკური ავტომანქანების ბოლო აუქციონის დროს გასაყიდად გამოყვანილი  Alfa Romeo Montreal, აქამდე წარმოუდგენელ 200,000 ფუნტ სტერლინგად გაიყიდა. ამის შემდეგ საბოლოოდ გაეცა პასუხი ყველა კითხვას Montreal-ის სტატუსის გარშემო, ის ნამდვილად კლასიკაა, განუმეორებელი, ექსკლუზიური, ულამაზესი და გარდაუვალი სიამოვნების მომტანი.

cars-alfa-romeo-montreal-24044

ჩვენ მხოლოდ ის დაგვრჩენია მოვულოცოთ Alfa Romeo-ს თქვენი კიდევ ერთი შედევრი, უკვე აღიარებული კლასიკაა.