დღევანდელ სამყაროში, თითქმის ყოველთვიურად ვიღებთ ლიდერი ავტომწარმოებლებისგან ახალ ან განახლებულ მოდელებს.

ამ მუდმივ განახლებებში ჩნდება სრულიად ლეგიტიმური კითხვა, როგორ განვასხვავოთ “წამიერი” მოდელები იმ მოდელებისგან რომლებიც ავტოინდუსტრიაში და ჩვენს გულებში სამუდამო ადგილს დაიმკვიდრებენ.

ჩვენი ნაწილობრივ მიკერძოებული აზრით, Jaguar F-type R Convertable არის მაგალითი იმისი თუ როგორი უნდა იყოს ავტომობილი, რომ ის სამუდამოდ დაიმახსოვრონ.

 

ft_16_6015_jna_1366x769_gallery_tcm97-154246_desktop_1366x769

ნაწილობრივ მიკერძოებული  სწორედ იმიტომ რომ ჩვენი აზრით შეუძლებელია  ახალი F-type Convertable R-ის მიმართ ბოლომდე გულგრილად იყო განწყობილი, ჩვენი აზრით ის მსოფლიოში ერთ-ერთი ყველაზე ლამაზი ავტომობილია, უბრალოდ შეხედეთ მას…

ბოლო წლების მანძილზე Jaguar-მა საგრძნობი წინსვლა დაიწყო. მან შეწყვიტა გერმანელი კონკურენტების მიბაძვა და უხეში უინტერესო ავტომობილების შექმნა რომელიც მასებისთვის იქნებოდა გათვლილი, ხელმძღვანელობის ცვლილებასთან ერთად ( სხვათაშორის Jaguar დღეისთვის ინდური კომპანიის საკუთრებაშია ) დაიწყო ამ ისტორიული ბრენდისთვის, თავისი სახელის შესაბამისი დიდების და ინდივიდუალიზმის დაბრუნება.

cc_16_6013_jna_1366x769_gallery_tcm97-154229_desktop_1366x769


 

 ციფრების შესახებ …

აჩქარება 0-100 კმ/სთ : 3.8 წამი

მაქსიმალური სიჩქარე : 297 კმ/სთ

ცხენის ძალების რაოდენობა : სუპერმძლავრი 550 ცხ.

წამყვანი თვლების რაოდენობა : 4

jaguar-ftype-engine


 

 შეგრძნებების შესახებ … 

დავიწყებ იმით რომ პირველი ჯეიმს ბონდის დროიდან  Jaguar  პოზიციონირებს როგორც ბოროტი, დაუმორჩილებელი, ცუდი ბიჭი. ეს ყველაფერი უმცირეს დეტალებამდე იგრძნობა  F-type R – ის ტარებისას. ის არც ერთი წამით არ გაძლევთს დამშვიდების საშუალებას, ყოველი აჩქარებისას უნდა გახსოვდეს რომ საქმე გარეულ ცხოველთან გაქვს!

Jaguar-ის ინჟინრებმა და მექანიკოსებმა დიდი შრომა გასწიეს იმისთვის, რომ ასეთი შეგრძნებების მქონე ავტომობილს შესაბამისი ხმაც ჰქონოდა, მერწმუნეთ ხმა ამ მოდელის ერთ-ერთი უმთავრესი სიგიჟეა, მათთვის კი, ვისაც დედამიწის ზედაპირში ბზარის გაჩენა სსურს არსებობს სპორტული გამონაბოლქვის ღილაკი, რომელიც მანქანის ხმას კიდევ უფრო ველურს ხდის, ჩართვისთანავე ის მზის სისტემას ნაწილებად დაშლის, სამაგიეროდ თქვენ თავს ალფა-მტაცებლად გაგრძნობინებთ.

02-2017-jaguar-f-type-svr-fd-1

რაც შეეხება არც თუ ისე სასიამოვნო მომენტებს F-type R – ის ფასი 110 000$ ის ფარგლებში მერყეობს, ანუ ის საკმაოდ ძვირია, ის სულ ორ ადგილიანია შესაბამისაც ის მცირე ტევადობისაა, გთხოვთ მანქანების შესახებ საერთო შეხედულებამ არ მოგატყუოთ იმის მიუხედავად რომ სურათზე ნათლად ჩანს საბარგული მის შიგნით მხოლოდ სათადარიგო ბორბალი ეტევა, ანუ ის საკმაოდ არაპრაქტიკულია. 

ბევრი ფაქტორის გათვალისწინებით ის უბრალოდ ვერ იქნება ოჯახში ერთადერთი მანქანა თქვენ აუცილებლად უნდა გყავდეთ ისეთი ავტომობილიც რომლითაც მაღაზიაში წასვლას, ან ბავშვების საბარგულზე მიმაგრების გარეშე სკოლაში მიყვანას შეძლებთ.


 

თუმცა როდესაც ამ ყველაფრისგან დაღლილი, გიჟურ გასეირნებას გადაწყვეტ, ოოოო დიახ სწორედ ამ დროს შენ გჭირდება Jaguar F-type R . . . 

landinghero