ჯორჯ მილერის Mad Max: Fury Road-ს დიდ ეკრანებზე გამოჩენისთანავე უამრავი თაყვანისმცემელი გაუჩნდა.  მსახიობების ვარსკვლავური ქასთისა და თავბრუდავმხვევი სპეცეფექტების გარდა მაყურებელი მოტოციკლების მრავალფეროვნებამ და უცნაურმა დიზაინმაც აღაფრთოვანა.

ფილმის ინსპირაციით თანამედროვე დიზაინის მოტოციკლი „Untameable“ შეიქმნა და მისმა დიზაინმა უკვე მოახერხა ბაიკერების (და არამარტო) გულების დაპყრობა.

Officine GP Design-მა ოფიციალურად უმასპინძლა ლუკა პოზატოს ქმნილების პრეზენტაციას. მოტოციკლის შექმნა Mad Max-ის ბოლო ნაწილის დამსახურებაა. „Untameable“-ის დიზაინი და არქიტექტურა მიმზიდველი და უცხოა.

“დეტალების მრავალფეროვნება და ზუსტი გეომეტრია მოტოციკლის მართვისას თავს ფენტეზისეულ სამყაროში წარმოგადგენინებთ და საოცარი სისწრაფე კი ვალჰალას მიგნებას მოგანდომებთ.”
moto-guzzi-custom-76941a646a2ffa5df5eac3f34431e7002

ბაიკის ზედაპირი მეტალისგან არის გამოძერწილი, უჩვეულო ფორმები და ხაზები მას კიდევ უფრო საინტერესოს ხდის.

„Untameable“-ის ავზი, გვერდითა და უკანა ნაწილები ალუმინისგან ხელით დაამზადეს, შესაფერად გამოყენებული საღებავი კი მას ჟანგვისგან იცავს. ოქროსფერი დეტალები მეტალის ცივი დამუშავების შედეგია. ფოლადის გამომბოლქვი მილი,  გვეთევზას ტყავისგან დამზადებული საჯდომი და Kineo-ს საბურავები მოტოციკლის ვიზუალს ამრავალფეროვნებენ.10641251_1079007832128616_3065155563620784260_nmoto-guzzi-custom-9

800cc MV Augusta-ს სამ ცილინდრიანი ძრავა ჰარმონიულად ერწყმის ქმნილების დიზაინს.


Mad Max-ით შთაგონებული მოტოციკლის შეძენა ძვირი სიამოვნებაა £29,410.00 / €40,000.00 / $44,980.00.”