სულ რაღაც ათი წლის წინ, ამერიკულ მანქანებს არასაიმედო კონსტრუქციითა და უსარგებლო მექანიზმების სიმრავლით გამოარჩევდით, მაგრამ წლების სვლასთან ერთად ბევრი რამ შეიცვალა. ამ ნაკლოვანებებს საწვავის ეკონომიური მოხმარება და მასთან დაკავშირებული პრობლემებიც დაემატა.

ეს, რა თქმა უნდა, ხუმრობით. ამერიკელმა მანქანის მწარმოებელმა ფირმებმა ყველაზე უკეთ იციან თუ როგორ შექმნან მძლავრი, მაღალ სიჩქარიანი როადერები.

რომელ თქვენგანს არ მოუნდება Alpine-ს გზადკეცილზე ამ ცეცხლოვანი მანქანებით გავლა , მანქანებით რომელთა მსგავსი სისწრაფის სხვაგან შეგრძნება თითქმის შეუძლებელია.

გთავაზობთ ტოპ 10 ამერიკულ Muscle Car-ს. ისიამოვნეთ.

 

2014 Tesla P85D

P85D ბოლო დროის ერთ-ერთი ყველაზე ცნობადი მანქანაა. დაკვირვებული თვალი შეამჩნევს კორპუსზე დატანებულ ნიშანს, სხვებს კი მანქანა Tesla-ს ტიპიური მოდელი ეგონებათ. მაგრამ Insane რეჟიმის გააქტიურებისთანავე P85D ნამდვილ მხეცად გარდაიქმნება. დიახ, ეს მანქანა გზად შემხვედრ ყველა მოძრავ ობიექტს გაანადგურებს. P85D-ს ჩვენს ფავორიტად მაინც ვერ ჩავთვლით – ზედმეტად დიდი ყურადღება აქვს მიქცეული პროგრამულ უზრუნვეყოფას, ნაკლები ძრავას. ნამდვილ Muscle Car-ს სჭირდება მრისხანე V8 ძრავი, მას ამ ქვეყნად ვერანაირი ტექნოლოგია ან სიჩქარის მაღალი მაჩვენებლები ჩაანაცვლებენ.

 

1949 Oldsmobile Rocket 88

მსოფლიოს პირველ muscle car-ად აღიარებული Rocket 88 ამერიკელებისთვის სიწმინდეა. მეორე მსოფლიო ომის შემდეგ ყოფილი სამხედროებისთვის სიამოვნება იყო ახალი V8 ძრავის მქონე, მიმზიდველი მანქანის ქონა. სწორედ ამ მიზეზით მწარმოებლებმა გადწყვიტეს უბრალო მოქალაქეებისთვისაც მიეცათ შესაძლებლობა დაუფლებოდნენ პირველ muscle car-.

 

1955 Chrysler C-300

თანამედროვე Chrysler 300 წინამორბედი მანქანა თავისუფლად აღწევდა 300hp, მაშინ როდესაც სხვა როადერები 200 hp ვერ უახლოვდებოდნენ. 331 კუბური ინჩის (5.4 L) ძრავა, რომელსაც ნახევარსფეროსებრი რევოლუციური ფორმა ქონდა Hemi-ს სახეით გაიცნეს. Tom McCahill-მა მას „ალუმისნის ბრწყინვალე სატრანსპორტო ნაჭერი“ უწოდა.

 

1964 Pontiac GTO

Chrysler C-300-ის მსგავსად GTO ტიპიური როადერი იყო და საწყის ეტაპზე არც თუ ისე დიდი რაოდენობით იწარმოებოდა. მან დაარღვია General Motors-ის კანონი ძრავის მოცულობის შესახებ და 389 ci ძრავით აღიჭურვა. სახელი კი Ferrari GTO-ს მოჰპარა. შედეგად ამერიკის ერთ-ერთ ყველაზე პოპულარულ V8-ის მქონე muscle car-ად იქცა.

 

1970 Buick GSX

GSX-ის დებიუტი 1970 წელს შედგა და მოახერხა პერიოდის უმძლავრესი ძრავის მქონე მანქანად შერაცხულიყო – 455 კუბური ინჩის მქონე V8. დიახ, არ გეჩვენებათ. მანქანა 360hp აღწევდა და დიზელის მსგავს 690 ნმ მგრეხ ძალვას აწარმოებდა. აქვე ჩნდება კითხვა, რას აირჩევდით საწვავს თუ თქვენს საბურავებს? თითქმის 50 წლის შემდეგ სასიამოვნოა იმის გაანალიზება, რომ ასედი აბსურდის რეალობად ქცევა შესაძლებელი იყო.

 

1970 Ford Mustang Boss 429

Mustang სულაც არ ყოფილა muscle car. თანდათანობით მოხდა მისი ზრდა და 7 წლის შემდეგ GT-ზე გაცილებით მძლავრ მანქანად იქცა. მისი ძრავა NASCAR-ისთვის იყო განკუთვნილი. 375 hp საკმაოდ დიდი ციფრია, რადგან მხოლოდ 859-მა მანქანამ შეძლო მისი დაფიქსირება.

 

1970 Plymouth Belvedere GTX

ალბათ, შეამჩნევდით, რომ GTX და კიდევ ორი მანქანა 1970 წელს შექმნილები არიან. ეს იმიტომ, რომ 70-იანები დიდი სიმძლავრის მქონე როადერებისთვის განსაკუთრებული პერიოდი იყო. მანქანის ბენეფიტები მხოლოდ 390 ცხენისძალა და 440 ci V8, ის თაყვანისმცემელთა გულებს ფერების მრავალფეროვნებითაც იგებდა: Vitamin C Orange-ით, Tor-red-ით, Lime Light-ითა და In Violet-ით.

 

1970 Chevy Chevelle 454

თუ მეოთხედზე მეტი მილის განმავლობაში უსწრაფეს მანქანაში ნებივრობა გსურდათ, 1970 წელს Chevelle 454-ს შემოგთავაზებდნენ. წარმოიდგინეთ 450 ცხენისძალა, 450 ! შესაძლოა, მანქანის დაძვრისას აღძრული შიში ახლა მხოლოდ სიამოვნებაში გადაიზარდოს, მაგრამ თითქმის ნახევარი საუკუნის წინ Chevelle 454-ის საჭესთან დაჯდომას ყველა ვერ გაბედავდა.

1963 Dodge Dart Ramcharger

გახსოვსთ Chrysler-ის Hemi ძრავა C-300? წლების შემდეგ მან 425 HP-ს მიაღწია. ეს იყო საოცრება, რადგან იმ დროისთვის ვერც ერთმა მანქანამ ვერ შეძლო შედეგის გამეორება. იდეალურად გლუვი კორპუსის მქონე Dart ჩვენი ერთ-ერთი ფავორიტი muscle car-ია.

 

2015 Dodge Challenger

არ აქვს მნიშვნელობა რამდენად საოცარ მანქანებს ქმნიდნენ 70-იანებში, ახალი Dodge -ის Challenger-ის ერა მოვიდა. 707 hp ის ციფრია, რომელიც ნებისმიერ სხვა muscle car დაგავიწყებთ და თქვენთვის იდეალურ მანქანას გაპოვნინებთ. ჩვენი რჩევაა, 2015 Dodge Challenger-ის მართვისას დარწმუნდით, რომ სათადარიგო საბურავები თან გაქვთ.

 

line